Koronavırýs juqtyrǵan aqtóbelik sanıtarııa qyzmetkerlerimen bir ǵımaratta jumys istegen
AQTÓBE. QazAqparat – Aqtóbe oblysynda koronavırýs ınfektsııasyn juqtyrýdyń úshinshi jaǵdaıy anyqtaldy. Naýqastyń jumys orny Taýarlar men kórsetiletin qyzmetterdiń sapasy men qaýipsizdigin baqylaý departamentimen bir ǵımaratta ornalasatyny anyqtaldy, dep habarlaıdy QazAqparat tilshisi.
Іndetke shaldyqqan úshinshi naýqas Almaty arqyly Mysyrdan kelgen.
«Ol – jeke kásipker. Onyń janynda 12 adam jumys istegen», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nursulý Berkimbaeva tikeleı efırde.
Aıta keteıik, kásipkerdiń jumys keńsesi oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentinde, ıaǵnı bir ǵımarat ishinde ornalasqan. Sondyqtan 31 naýryz kúni naýqas turǵan úıdiń podezimen qosa, jumys orny da zalalsyzdandyryldy.
Departamenttiń baspasóz qyzmetiniń málimetinshe, naýqaspen jaqyn qarym-qatynasta bolǵan 23 adam oqshaýlanyp, juqpaly aýrýlar aýrýhanasyna jatqyzyldy. Synamalar alyndy. Taǵy 206 adam úı karantınine jatqyzyldy. Naýqas turatyn úı dezınfektsııalanyp, podezd karantınge jabyldy.
Qazirgi ýaqytta aqtóbeliktiń jaǵdaıy qanaǵattanarlyq. Tıisti hattamaǵa sáıkes em taǵaıyndaldy.
