Koronavırýs juqtyrǵan adammen baılanysta bolǵan jambyldyqtardyń taldaýlary teris nátıje kórsetti
TARAZ. QazAqparat - Koronavırýs aýrýymen baılanysta bolǵan Jambyl oblysynyń on turǵynynyń taldaýy teris nátıje kórsetti,-dep habarlaıdy QazAqparat oblys ákimdiginiń baspasóz qyzmetine silteme jasap.
Habarlanǵandaı, 20 naýryzda Almaty oblysynyń turǵyny «koronavırýstyq ınfektsııa» dıagnozymen Qarasaı aýdandyq aýrýhanasyna jatqyzylǵan bolatyn.
Naýqaspen buǵan deıin baılanysta bolǵan Jambyl oblysynyń 10 turǵyny anyqtalyp, karantınge alyndy. Olardan koronavırýsqa alynǵan taldaýlar teris nátıje kórsetti.
Karantındegi adamdardyń eshbirinen shaǵym túsken joq. Jaǵdaılary qanaǵattanarlyq. Olarǵa medıtsınalyq baqylaý júrgizilýde.
«Sonymen qatar, koronavırýstyq ınfektsııanyń aldyn alý maqsatynda qoǵamdyq oryndarǵa barýdan bas tartýdyń, jeke gıgıena sharalaryn saqtaýdyń, qol alysyp amandasýdyń jáne basqa da jaqyn qarym-qatynastarda bolmaýdyń mańyzdylyǵyn eskertemiz.
Azamattardy tek resmı aqparat kózderine senýge, jalǵan aqparattar men habarlamalardy taratpaýǵa shaqyramyz. Ol úshin qylmystyq jaýapkershilik kózdelgenin jetkizemiz»,-delingen habarlamada.
