Koronavırýs juqtyrǵan adam Shymkentke Nur-Sultan qalasynan kelgen

NUR-SULTAN. QazAqparat - Koronavırýs juqtyrǵan adam Shymkentke Nur-Sultan qalasynan kelgeni belgili boldy. Bul týraly «Habar 24» telearnasynyń tikeleı efırinen Shymkent qalalyq taýarlar men kórsetiletin qyzmetterdiń sapasyn jáne qaýipsizdigin baqylaý basqarmasynyń basshysy Ábdimanap Tólebaev aıtty, dep habarlaıdy QazAqparat tilshisi.

«Shymkent qalasynda 1 koronavırýs jaǵdaıy tirkelip otyr. Qazirgi ýaqytta ol Shymkent qalasynyń juqpaly aýrýlar aýrýhanasyna oqshaýlanyp, em-dom qabyldap jatyr. Ol azamat 20 naýryz kúni Nur-Sultan qalasynan kelgen. Onymen qarym-qatynasta bolǵan adamdardyń barlyǵy izdestirilip, tabyldy. Ol adamdarmen tolyqqandy indetke qarsy sharalar júrgizilip jatyr», - dedi ol.