Koronavırýs juqtyrǵan adam eki apta boıy emdeledi – Eljan Birtanov
«Karantın jaǵdaıynda tek sheteldik azamattar ǵana syrtqa shyǵa alady jáne ózimizdiń eldiń azamattary ǵana elge kire alady. Shetel azamattary elge kire almaıdy. Ár óńirdiń epıdemıologııalyq jaǵdaıyna baılanysty ákimder sheshim qabyldaıdy. Qazirgi zańnama boıynsha, bul sheshimdi oblystyń ne aýdannyń bas sanıtar dárigeri jarııalaıdy. Mysaly, Almaty qalasyndaǵy bas sanıtar dáriger óziniń qaýlysymen qajetti karantındik sharalar engizý boıynsha sheshim qabyldaıdy jáne ony ákimshilik, basqa da memlekettik organdar, uıymdar mindetti túrde oryndaýy tıis», - deıdi QR Densaýlyq saqtaý mınıstri Eljan Birtanov.
Onyń aıtýynsha, kesheden bastap Atyraý oblysynda, Qaraǵandy qalasynda, Aqtóbe oblysynda bas sanıtar dárigerler sheshim qabyldaǵan.
«Karantındik sharalardyń negizgi maqsaty – ınfektsııanyń taralýyn joıý. Bul ınfektsııa el arasynda áleýmettik qarym-qatynas negizinde taraıdy. Biz týystarmen, basqa da adamdarmen jumys boıynsha, ártúrli sebepter boıynsha aralasamyz. Sony tezirek toqtatsaq, ınfektsııa da toqtaıdy. Kóbinese bul aýrýdan eki apta ishinde emdelip shyǵyp jatyr. Osy jaǵdaıda emdeletin deńgeıimiz aýyratyn deńgeıden ozady. Sol sebepti de oblystyq deńgeıde, qalalyq deńgeıde karantın bolýy múmkin. Qala ishinde turǵyn úı, aýrýhana, jataqhanada karantın engizýimiz múmkin, óıtkeni ınfektsııa tabylyp, kóp adam aýyrsa – olar sol jerden shyqpaı, emdelýi tıis», - deıdi ol.