Koronavırýs juqtyrǵan 6 adamnyń barlyǵy Shıeli aýdanynan bolyp shyqty

QYZYLORDA. QazAqparat - Qyzylorda oblysynda koronavırýs ınfektsııasy dıagnozy qoıylǵan taǵy 6 adamnyń ony qaıdan juqtyrǵany habarlandy, dep habarlaıdy QazAqparat tilshisi.

Qyzylorda oblystyq ákimdiginiń málimetine súıensek, olardyń altaýy da Shıeli aýdanynan tirkelgen. Olardyń úlkeni 1967 jylǵy áıel adam bolsa, odan keıingileri 1989, 1992, 1998 jyldary dúnıege kelgen. Sondaı-aq, olardyń qatarynda 2013, 2015 jyly ómirge kelgen qyz balalar da bar.

Barlyǵy buǵan deıin vırýs juqtyrǵan adamdarmen tyǵyz qarym-qatynasta bolǵan jáne karantındik statsıonarǵa jatqyzylǵan. Qazirgi tańda jaǵdaılary qanaǵattanarlyq. Naýqastar oqshaý orynda tıisti emderin qabyldap jatyr.

Qyzylorda oblysynda 5 sáýirdegi jaǵdaı boıynsha aımaqta koronavırýske shaldyqqan 37 adam em alýda. Onyń altaýy Qyzylorda qalasynda tirkelse, aýdandar boıynsha Jańaqorǵanda – 16, Qarmaqshyda – 4, Shıelide – 11 jaǵdaı kezdesti.