Koronavırýs juqtyrǵan 309 adamnyń jaǵdaıy nashar – QR DSM
NUR-SULTAN. QazAqparat – Qazaqstanda koronavırýs indetin juqtyryp em alyp jatqan adamdar sany 10 597 adamdy qurap otyr. QR Densaýlyq saqtaý mınıstrliginiń deregine qaraǵanda, 309 adamnyń jaǵdaıy aýyr, dep habarlaıdy QazAqparat.
Mınıstrlik málimetterine qaraǵanda, naýqastardyń arasynda 52 bala bar. Statsıonarlarda 5 673 naýqas jatyr. 4 924 adam ambýlatorııalyq jaǵdaıda emdelýde. Jalpy naýqastardyń arasynda 309 adamnyń ahýaly nashar. Sonyń ishinde 70 naýqastyń ahýaly asa qatty aýyr dep baǵalanýda. 50 naýqas jasandy tynys alý apparatynda jatyr.
«QR Densaýlyq saqtaý mınıstrligi budan bylaı táýliktik nátıjeler týraly aqparatty kún saıyn únemi úzbeı jarııalap otyrady. Barlyq málimet resmı saıtta jáne vedmostvanyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanyp turady. Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy press-brıfıngte habarlaıdy»,-delingen habarlamada.
