Koronavırýs juqtyrǵan 3 adam Shıeli men Jańaqorǵanda turady - Qyzylorda

QYZYLORDA. QazAqparat - Qyzylorda oblysynda koronavırýs dıagnozy qoıylǵan úsh naýqastyń qandaı aýdannan ekeni anyqtaldy, dep habarlaıdy QazAqparat tilshisi.

Bul jóninde Qyzylorda oblystyq densaýlyq saqtaý basqarmasynyń basshysy Jaqsylyq Abdýsametov málim etti. Naýqastardyń 2-i Shıeli aýdanynan bolsa, 1-i Jańaqorǵan aýdanynda turady. Olardyń barlyǵy buryn karantındik baqylaýda bolǵan azamattar.

Qazirgi ýaqytta oblys boıynsha 119 naýqas bar. Aıta keterligi, oblysta naýqastarmen qarym-qatynasta bolǵan 1449 adam anyqtalǵan. Onyń 802-i jaqyn qarym-qatnasta bolǵandar, 647-i provızorlyq baılanysta bolǵan azamattar.

«Oblys boıynsha ınfektsııalyq statsıonarǵa - 119, provızorlyq statsıonarǵa - 57, karantındik statsıonarǵa -556 azamat jatqyzylǵan. Olardyǵ jalpy sany 731 adamdy quraıdy. Qazir oblysta 1-B kategorııasy elderinen kelgen 46 adam bar, olar 5-i karantınde, 41-i úı jaǵdaıynda baqylaýǵa alynǵan», - dedi J.Abdasametov.

Eske sala keteıik, qazir Qyzylorda qalasy men birqatar aýdandarda shekteý sharalary engizilip, karantın jarııalanǵan.