Koronavırýs juqtyrǵan 223 adamnyń ahýaly nashar – mınıstrlik

NUR-SULTAN. QazAqparat - Qazirgi ýaqytta koronavırýs ınfektsııasynan 13 707 adam emdelip jatyr. Bul týraly QazAqparat Densaýlyq saqtaý mınıstrligine silteme jasap habarlaıdy.

«Olardyń arasynda 967 bala bar. Statsıonarlarda 3 492 naýqas jatyr. 10 215 adam ambýlatorııalyq jaǵdaıda emdelýde.

Jalpy naýqastardyń arasynda 223 adamnyń ahýaly nashar. Sonyń ishinde 32 naýqastyń ahýaly asa qatty aýyr dep baǵalanýda. 30 naýqas ókpeni jasandy jeldetý apparatynda jatyr», - delingen habarlamada.