Koronavırýs juqtyrǵan 178 almatylyq jansaqtaý bóliminde jatyr
ALMATY. QazAqparat – Almaty qalasynyń qoǵamdyq densaýlyq saqtaý basqarmasy qaladaǵy koronavırýs jáne vaktsınalaý boıynsha ahýaldy , dep habarlaıdy QazAqparat tilshisi.
«18 shilde koronavırýs juqtyrýdyń 798 jaǵdaıy tirkeldi, olardyń 706-sy – sımptommen, 92-si – sımptomsyz. 39 adam aýrýhanadan shyǵarylyp, túskender sany – 299. Jalpy qazirgi kezde ınfektsııalyq statsıonarlarda 2 878 adam em alýda. 178 naýqas jansaqtaý jáne qarqyndy terapııa bólimshelerinde jatyr. ÓJJA-da 29, ınvazııalyq emes ÓJJA-da 54 em alýda. High flow-da 70 apparat bos emes. Qazirgi kezde úıde 4 692 sımptommen, sımptomsyz 399, barlyǵy 5 091 naýqas MSAK jáne Telemedıtsınalyq ortalyq baqylaýynda jatyr», - dep málimdedi Almatynyń qoǵamdyq densaýlyq saqtaý basqarmasynan.
1 aqpannan 18 shildege deıin 652 718 adam vaktsınanyń birinshi komponentin aldy. Ótken táýlikte 3 495 adam ekpe saldyrǵan.
Jalpy 60 jastan asqan 93 376 adamǵa vaktsına salyndy.
Qalada medıtsınalyq uıymdarda, mektepterde, mádenıet, sport nysandarynda, bazarlar men SOSO-da 212 pýnkt jumys isteýde. Olardy 250-ge deıin kóbeıtý múmkindigi qarastyrylýda. Barlyǵy 1 260 adamnan turatyn 308 ekpe brıgadasy jumyldyrylǵan.
