Koronavırýs juqtyrǵan 16 naýqastyń jaǵdaıy aýyr

NUR-SULTAN. QazAqparat - 13 shildedegi málimet boıynsha, Qazaqstanda 3 700 adam koronavırýs ınfektsııasynan emdelýde, dep habarlaıdy QazAqparat.

Vedomstvoaralyq komıssııanyń málimetinshe, olardyń ishinde 433 patsıent statsıonarda, 2 267 naýqas ambýlatorııalyq deńgeıde em-dom qabyldaýda.

«KVI-ge shaldyqqandardyń arasynda 16 adamnyń jaǵdaıy aýyr. ÓJJ apparatynda jatqandar, jaǵdaıy asa aýyr naýqastar joq», - dep jazdy aqparat kózi.

Aıta keteıik, qazirgi tańda elimizde koronavırýs ınfektsııasyna qarsy vaktsınanyń birinshi komponentin 9 533 500 adam, ekinshi komponentin 9 316 921 adam saldyrdy.