Koronavırýs juqtyrǵan 120 medıtsına qyzmetkerine ótemaqy tólendi

NUR-SULTAN. QazAqparat – Qazaqstanda koronavırýs juqtyryp, qaıtys bolǵan 71 medıtsına qyzmetkeriniń týǵan-týystarynan ótemaqyǵa baılanysty ótinish tústi, dep habarlaıdy QazAqparat tilshisi.

«Eńbek jáne áleýmettik qorǵaý mınıstrligimen habarlastyq. Ol mınıstrlikke Densaýlyq saqtaý mınıstrliginen ótinim bergen dárigerlerdiń tizimi túsedi. Búgingi kúnniń ózinde 123 dárigerdiń ótinishi qanaǵattandyryldy. 123 adamnyń 120-sy ótemaqyny tolyqtaı aldy. Al qaıtys bolǵan medıtsınalyq qyzmetkerlerge qatysty aıtar bolsam, 71 ótinish kelip túsken. Ol azamattardyń tizimin Densaýlyq saqtaý mınıstrligi Eńbek jáne áleýmettik qorǵaý mınıstrligine joldady. Jaqyn kúnderi olar (qaıtys bolǵan medıtsınalyq qyzmetkerlerdiń týǵan-týystary) qarajatty alatyn bolady», - dedi Úkimet basshysynyń orynbasary Eraly Toǵjanov.

Úkimet basshysynyń orynbasary ótinish túsken kúnnen bastap ýaqyt ozdyrmaı ótemaqyny birden berý máselesi sheshilip jatqanyn málim etti.

«71 adamǵa baılanysty qazir usynys jiberildi», - dep qaıtalady jaýabyn Eraly Toǵjanov.