Koronavırýs juqtyrǵan 12 jastaǵy qyz bala jazylyp shyqty - Almaty
ALMATY. QazAqparat – Almatyda 12 jasar qyz bala koronavırýstan jazyldy, dep habarlaıdy QazAqparat tilshisi.
Qalalyq Qoǵamdyq densaýlyq saqtaý basqarmasynyń málimetinshe, ol búgin balalar juqpaly aýrýlar aýrýhanasynan úıine shyǵaryldy.
«Bala vırýsqa qarsy jáne sımptomatıkalyq em-domnyń tolyq kýrsyn aldy. Aýrý jeńil formada ótti», - dedi basqarmadan.
Aıta ketý kerek, 12 jastaǵy qyz bala 13 naýryzda túnde Berlın-Mınsk-Almaty charterlik reısimen kelgen. Sol túni borttaǵy ekıpaj ben jolaýshylardyń barlyǵy birden oqshaýlanǵan bolatyn.
Bul Almaty aýrýhanalarynan jazylyp shyqqan 3-patsıent. Olardyń barlyǵy 14 kún dárigerlerdiń baqylaýynda úı karantıninde boldy.
