Koronavırýs juqtyrdym: ShQO-da jalǵan aıtqan zeınetker aıyppul tóledi
ÓSKEMEN. QazAqparat – Shyǵys Qazaqstan oblysy Zaısan qalasynyń turǵyny COVID-19 vırýsy jaıly shyndyqqa janaspaıtyn málimet taratqan, dep habarlaıdy QazAqparat.
Zaısan qalasynda 60 jastaǵy áıel WatsApp messendjeri arqyly óziniń juqpaly dertke shaldyqqany jaıly jalǵan habarlamalar jazǵan.
«Osylaısha ol dúrbeleń týǵyzyp, halyq arasynda daqpyrt sózderdiń taralýyna túrtki boldy. Zeınetkerge qatysty QR Ákimshilik quqyq buzýshylyq týraly kodekstiń 478-baby 1-bóligimen 40 AEK (1 sáýirden bastap 1 AEK – 2778 teńge) mólsherinde aıyppul salyndy. Budan bólek, tártip saqshylary reıd barysynda tótenshe jaǵdaı kezindegi jumys ýaqytyna qatysty shekteýlerdi saqtamaǵan kásipkerdi anyqtady. 52 jastaǵy dámhana ıesi 10 AEK kóleminde aıyppul tóleýge mindetteldi», - dep habarlady ShQO Polıtsııa departamentiniń baspasóz qyzmetinen.
Esterińizge sala ketsek, Memleket basshysy Qasym-Jomart Toqaev halyqqa joldaǵan úndeýinde el arasynda jalǵan aqparat taratyp, dúrbeleń týǵyzatyndar zańǵa sáıkes jaýapqa tartylatynyn aıtqan bolatyn.
