Koronavırýs jas talǵamaıdy - Altaı Kólginov
NUR-SULTAN. QazAqparat - Elordada koravırýs juqtyrǵan 1 686 naýqastyń 51 paıyzy emdelip shyqty. Bul týraly Habar-24 telearnasynyń tikeleı efırinde Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
«Álemdik pandemııa qalypty ómirimizge ózgerister engizip, basqasha ómir súrýge májbúr etti. Memleket basshysy Qasym-Jomart Toqaevtyń Tótenshe jaǵdaı engizý týraly Jarlyǵy azamattarymyzdyń tártipti saqtap, ınfektsııadan qorǵanýymyzǵa septigin tıgizdi. Prezıdenttiń der kezinde qabyldaǵan sharalary azamattardyń oqshaýlanýyna jaǵdaı jasap, nátıjesinde vırýstyń keń taralýyna jol berilgen joq. Osyndaı syn saǵatta halyqtyń birtutastyǵy mańyzdy. Іndet tarala bastaǵan alǵashqy kezde Elbasy Nursultan Nazarbaevtyń halyqqa arnaǵan úndeýi qoǵamdyq biriktirip, qıyndyqty birge eńserýge kómegin tıgizdi», - dedi Altaı Kólginov.
Elorda basshysynyń dereginshe, osy aralyqta elordada koronavırýs juqtyrǵan 1 686 naýqas tirkeldi. 835 patsıent nemese 51 paıyz azamat emdelip shyqsa, qalǵandary qazirgi ýaqytta karantınde jatyr. Ókinishke qaraı 5 adam qaza boldy.
«Qazirgi kúndelikti ósý statıstıkasy 2-den 4 paıyzǵa deıin bolyp otyr. Naýqastardyń 40 paıyzy - 30 jasqa deıingi jastar, al 35 paıyzy - 30-dan 50 jasqa deıingi adamdar. ıAǵnı, osy statıstıkaǵa júginer bolsaq, vırýs tek qana úlken adamdarǵa, zeınetkerlerge nemese burynan aýrýy bar azamattarǵa qaýipti degen sóz rastalmady. Sondyqtan qazirgi jaǵdaıda, bizdiń tájirıbe kórsetkendeı, koronavırýs jas talǵamaıdy. ıAǵnı, koronavırýstan barlyǵymyz birdeı saqtanýymyz qajet. Saqtyqta qorlyq joq», - dedi Nur-Sultan qalasynyń ákimi.
