Koronavırýs: Japonııada 3500 jolaýshy kemeden shyǵa almaı otyr
NUR-SULTAN. QazAqparat – Japonııada bortynda 3,5 myń adam bar Diamond Princess krýızdik laıneri koronavırýs saldarynan Iokogama portyna karantınge jiberildi, dep habarlaıdy QazAqparat CNN-ge silteme jasap.
«Japonııanyń Densaýlyq saqtaý mınıstrliginiń qyzmetkerleri aýyrǵan birneshe jolaýshyny testen ótkizgenshe, shamamen 2500 jolaýshy men Diamond Princes ekıpajynyń 1000 múshesi búgin, 4 aqpanda keshke deıin kemede qalýy kerek», - delingen jarııalanymda.
Buǵan deıin Halyqaralyq krýız jelileri qaýymdastyǵynyń músheleri koronavırýstyń taralýyna baılanysty óz laınerleriniń bortyna qytaıdan oralǵan nemese sońǵy eki aptada osy elge saıahattaǵan adamdardy jibermeıtinin habarlaǵan bolatyn.
50 krýızdik jeliniń múddesin jaqtap, qorǵaıtyn Halyqaralyq krýızdik jeliler qaýymdastyǵy da Qytaı aýmaǵynda barlyq ekıpajdarynyń qozǵalysy toqtatylatyny týraly málimdegen.
Sonymen qatar Norwegian Cruise Line-da barlyq jolaýshylarǵa, shyqqan jáne baratyn jerlerine qaramastan, dene qyzýyn mindetti tekseredi. Dene qyzýy 38° C-tan joǵary saıahatshylardy laıner bortyna kirgizbeıdi.
