Koronavırýs: Japonııa vaktsınatsııa pasportyn engizedi, Shvetsııa 80-nen asqan qarttarǵa ekpe salady

NUR-SULTAN. QazAqparat - Sanııatarııalyq-epıdemıologııalyq baqylaý komıteti álemdegi koronavırýs ahýalyna sholý jasady, dep habarlaıdy QazAqparat.

Bangladesh bıligi koronavırýs pandemııasyna baılanysty engizilgen shekteýlerdiń kúshin uzartý týraly sheshim qabyldady.

Respýblıka úkimeti baspasóz qyzmetiniń habarlaýynsha, elde adamdardyń qozǵalysy men qoǵamdyq kóliktiń jumysyna qoıylǵan shekteýlerdiń kúshi uzartyldy.

Sondaı-aq, respýblıkada týrıstik jáne oıyn-saýyq mekemeleri men kýrorttardyń jumysy toqtatylǵan.

Koronavırýs ınfektsııasyn juqtyrýdyń joǵary deńgeıi anyqtalǵan jaǵdaıda Bangladeshtiń birqatar aýdandarynda karantın talaptary qatańdatylady.

Japonııa úkimeti vaktsınatsııa tólqujatyn 2021 jyldyń shildesinen bastap engizýdi josparlap otyr.

Japondyq bıznes-qoǵamdastyqtyń ókilderi jumysshylardyń sheteldik saparlarǵa shyǵýyn qamtamasyz etý maqsatynda Eýropalyq Odaq sııaqty vaktsınatsııa pasporttaryn engizýdi talap etip otyr.

Osyǵan oraı Japonııa úkimeti mýnıtsıpalıtetterge koronavırýsqa qarsy ekpeni alǵan azamattar úshin sertıfıkattardy shyǵarýdy shildeniń sońynda bastaýǵa múmkindik bermek.

Vaktsınany qabyldaǵandardyń pasporttary elektrondy túrde de shyǵarylýy múmkin.

Shvetsııa turǵyndaryna COVID-19-ǵa qarsy vaktsınanyń úshinshi komponenti usynylady.

Memlekettiń qoǵamdyq densaýlyq saqtaý agenttiginiń habarlaýynsha, koronavırýs ınfektsııasyna qarsy ekpeniń úshinshi dozasy osy qysta 80 jastan asqan azamattarǵa qajet bolýy múmkin.

Vaktsınanyń úshinshi komponentimen qarttar úıinde turatyn nemese ımmýndyq júıesi álsiregen qart adamdardyń egiletini atap ótilgen.

Qoǵamdyq densaýlyq saqtaý agenttigi aldaǵy eki jyl ishinde egý sharalarynyń qajettiligin baǵalaý barysynda qosymsha qaıta vaktsınalaý qajet degen qorytyndyǵa keldi.