Koronavırýs: Jandarbek Bekshın qyrkúıek pen qazan aılaryna boljam jasady
ALMATY. QazAqparat - Almaty qalasynyń bas sanıtarııa dárigeri Jandarbek Bekshın qyrkúıek-qazanǵa arnalǵan koronavırýs boıynsha jańa boljamyn aıtty, dep habarlaıdy QazAqparat tilshisi.
Spıkerdiń sózinshe, qaladaǵy epıdemıologııalyq jaǵdaı burynǵy boljamǵa sáıkes keledi.
«Boljam eki apta buryn jasaldy. Qazirgi ýaqytta epıdemıologııalyq jaǵdaı soǵan saı keledi. Qyrkúıek aıynyń basynda bir táýlikte 1 300 adam indet juqtyrdy. Qazir 1 058, keshe 1 287 naýqastan anyqtaldy. Biz qyrkúıekte 500-600 jaǵdaıǵa deıin tómendeıdi dep kútemiz. Qazanda jańa mýtatsııalanǵan shtamm bolmasa, 100-200 jaǵdaıǵa deıin tómendeýi kerek», - dedi Jandarbek Bekshın.
Buǵan deıin Jandarbek Bekshın qalada vırýs juqtyrǵandar sany azaıǵanyn aıtqan bolatyn.
