Koronavırýs jaǵdaılary qaı óńirde kóp tirkelýde: Mınıstrlik jaýaby

NUR-SULTAN. QazAqparat - Elimiz óńirlerinde COVID-19 jańa jaǵdaılary ósip barady. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«21 qazandaǵy jaǵdaı boıynsha, 109 766 naýqas tirkeldi. Onyń ishinde 105 301 naýqas saýyǵyp shyqty. 2 662 adam emdelýde. Sońǵy táýlikte COVID-19-dyń oń nátıjesimen 143 adam tirkeldi. Barlyǵy 1 803 adam qaıtys boldy. COVID-19-ǵa PTR-taldaýy teris 36 200 yqtımal jaǵdaı tirkeldi. Onyń ishinde 29 318 adam saýyǵyp shyqty. 7 494 naýqas emdelýde. 388 adam qaıtys boldy. Sońǵy táýlikte 220 jaǵdaı tirkeldi», - dedi ol Ortalyq kommýnıkatsııalar qyzmetindegi baspasóz máslıhatynda.

Sonymen qatar vıtse-mınıstrdiń aıtýynsha, sońǵy aptada el óńirlerinde COVID-19 indetiniń artýy baıqalady.

«Ótken aptamen salystyrǵanda 12 óńirde ósý esebinen 1,2 esege artty. Naýqastardyń eń kóp sany Nur-Sultanda - 125, Shyǵys Qazaqstanda - 95, Almaty qalasynda - 79, Pavlodar oblysynda - 79 , Soltústik Qazaqstan oblysynda - 74, Qaraǵandy oblysynda - 69, Atyraý oblysynda 58 jaǵdaı tirkeldi. Bul jalpy syrqattanýdyń 74 paıyzyn qurady», - dedi Ajar Ǵınııat.