Koronavırýs: ıÝNESKO barlyq elderdi qashyqtyqtan oqytýǵa shaqyrdy

NUR-SULTAN. QazAqparat – ıÝNESKO-nyń Parıj qalasyndaǵy shtab-páterinde keshe, 10 naýryzda bilim mınıstrleriniń shuǵyl keńesi bolyp ótti. Olar oryn alǵan jaǵdaıdy, qashyqtyqtan oqytý baǵdarlamalaryn engizý máselelerin ortaǵa saldy, dep habarlaıdy QazAqparat «BUU jańalyqtaryna» silteme jasap.

Budan bir aıǵa jýyq ýaqyt buryn Qytaı mektepterin jabýdy maquldaǵan jalǵyz el bolǵan. Sodan keıin COVID-19 koronavırýsynyń aldyn alý jáne taralýyna jol bermeý maqsatymen mundaı sharany taǵy 29 el qoldandy. Búginde vırýs saldarynan búkil álem boıynsha árbir besinshi oqýshy – 369 mln bala men jasóspirim mektepke barý múmkindiginen aıyrylyp otyr.

Kezdesý barysynda túrli elderdiń ókilderi mektepter jabylǵan jaǵdaıda qashyqtyqtan oqytýdy uıymdastyrý tájirıbesimen bólisti.

Búginde kóptegen elder koronavırýsqa baılanysty qashyqtyqtan oqytý tájirıbesin sátti túrde júzege asyrýda.