Koronavırýs vaktsınasyn salǵyzatyn adamnan mindetti túrde jazbasha kelisim talap etiledi
NUR-SULTAN. QazAqparat – Koronavırýs ınfektsııasyna qarsy «Spýtnık V» vaktsınasyn salǵyzatyn adamnan mindetti túrde jazbasha kelisim talap etiledi. Mundaı talaptyń baryn QazAqparat tilshisine Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń resmı ókili Erjan Baıtanaev aıtty, dep habarlaıdy QazAqparat tilshisi.
«KVI ekpesin turǵylyqty mekeni boıynsha tirkelgen emhanadan alýǵa bolady. Bul rette qaýip tobyna jatatyn azamattardy ekpe alýǵa ýchaskelik dárigerler shaqyrady nemese jumys oryny men oqý orynyna baılanysty ekpe salý uıymdastyrylýy múmkin», - deıdi Erjan Baıtanaev.
Onyń aıtýynsha vaktsına alý úshin azamattar jazbasha kelisim berýi kerek. Vaktsınatsııa 21 kúndik aralyqpen eki kezeńde júrgiziledi.
«Osyǵan deıin atalǵan toptarǵa kiretin azamattarǵa ekpe tegin. Sonymen qatar halyqtyń qosymsha osal toptaryn engize otyryp, kontıngentti arttyrý kózdelýde. Atap aıtqanda bul kontıngentke TJM, ІІM, Qorǵanys mınıstrligi, UQK, Memlekettik kúzet qyzmeti qyzmetkerlerin engizý josparlanyp otyr», - dedi ol.
Aıta keteıik, búgingi Úkimet otyrysynda Densaýlyq saqtaý mınıstri Alekseı Tsoı vaktsına 1 aqpannan bastap egiletinin jáne eń aldymen kimderge salynatynyn aıtqan bolatyn.
