Koronavırýs vaktsınasy paralıch týdyratyny týraly habarlandyrý – feık

NUR-SULTAN. QazAqparat - Áleýmettik jelilerde Londonda Hıtroý áýejaıynyń janyndaǵy aıaldamada túsirilgen sýret tarap jatyr. Sýret habarlandyrý taqtasyna ornalastyrylǵan. Onda bet-álpeti ózgeriske ushyraǵan qyzdyń beınesi kórsetilip, «Qoǵamdyq densaýlyq saqtaý qyzmeti eskertedi: COVID-19 qarsy vaktsınalar Bell paralıchin týdyrady» degen jazý bar. Stopfake.kz saıtynyń jazýynsha, bul aqparat – jalǵan, dep habarlaıdy QazAqparat.

Brıtandyq faktchekerler bul banner Ulybrıtanııanyń Qoǵamdyq densaýlyq saqtaý qyzmetiniń (NHS) tapsyrmasy boıynsha ornatylǵany jónindegi aqparatty joqqa shyǵardy.
Associated Press basylymynyń habarlaýynsha, NHS qyzmetiniń Jelide taratylǵan jarnamalyq posterge eshqandaı qatysy joq. Sondaı-aq olar klınıkalyq jáne postklınıkalyq synaqtar kezinde vaktsınalar men Bell sal aýrýy arasyndaǵy baılanys anyqtalmaǵanyn atap kórsetti.
Sonymen qatar Reuters basylymy NHS baspasóz hatshysynyń posterdiń olardyń uıymyna esh qatysy joqtyǵy týraly aıtqan málimdemesin jarııalady. Maqalada bannerdegi qyzdyń beınesi kez kelgen adam paıdalana alatyn fotosýret ekendigi aıtylǵan. Sýrettegi qyzdyń COVID-19 qarsy vaktsına saldyrǵany týraly aqparat joq.

«Qoryta aıtqanda, bannerdegi eskertýge senýge bolmaıdy. Áleýmettik jarnamany Ulybrıtanııanyń Qoǵamdyq densaýlyq saqtaý qyzmetiniń logotıpin zańsyz paıdalanǵan belgisiz bireýler ornalastyrǵan. COVID-19 qarsy vaktsınalardyń qaýipsizdigin zertteý vaktsınatsııa men Bell paralıchiniń arasynda eshqandaı baılanys joq ekenin kórsetti», - dep jazady stopfake.kz.