Koronavırýs: Vaktsınany jetkizý jumysy negizgi 4 kezeńnen turady

NUR-SULTAN. QazAqparat – Koronavırýs vaktsınasyn saqtaý úshin óńir ákimdikteri tońazytqysh qurylǵylaryn alyp jatyr. Bul týraly OKQ ótken baspasóz máslıhatynda Densaýlyq saqtaý birinshi vıtse-mınıstri Marat Shoranov málim etti, dep habarlaıdy QazAqparat tilshisi.

«Vaktsınanyń sapasyn qamtamasyz etý úshin óńirler tońazytqysh qurylǵylaryn alyp jatyr. Ol tońazytqyshtarda vaktsına saqtalady ári sol arqyly tasymaldanady», - dedi Marat Shoranov OKQ-da ótip jatqan baspasóz máslıhatynda.

Onyń aıtýynsha, vaktsınany jetkizý jumysy negizgi 4 kezeńnen turady. Eń aldymen óndirýshiden biryńǵaı dıstrııýtordyń qoımasyna jetkiziledi. Odan keıin biryńǵaı dıstrııýtordyń qoımasynan óńirlerdegi densaýlyq saqtaý basqarmalarynyń dárihana qoımalaryna ákelinedi. Osydan keıin úshinshi kezeńde óńirlerdegi densaýlyq saqtaý basqarmalary bul vaktsınalardy qalalar men aýdandardaǵy medıtsınalyq uıymdarǵa tasymaldaıdy. Tórtinshi kezeńde vaktsına sol medıtsınalyq uıymdarda sapaly kúıde saqtalýy kerek.

Eske sala ketsek buǵan deıin Marat Shoranov vaktsınatsııa júrgizer aldynda azamattardyń dene temperatýrasy ólshenip, júrek-qantamyr júıesin aýskýltatsııalaý jáne jutqynshaqty tekserý sharalary jasalatynyn aıtqan edi. Eger temperatýra 37°C-tan assa, vaktsınatsııa keıinge qaldyrylady.