«Koronavırýs vaktsınalarynyń asa qaýipti ekendiginiń dálelderi tabyldy» - feık

NUR-SULTAN. QazAqparat - Qaznet qoldanýshylary COVID-19-ǵa qarsy vaktsınalardyń qaýipti ekendigine «dálelder» keltirilgen beınerolıkti talqylaýda. Kadrlarda AQSh áskeriniń podpolkovnıgi Tereza Longtyń sóz sóılep turǵany kórsetilgen, onda ol «vaktsınatsııanyń janama áserleri baqylanbaıdy, dári-dármektiń ózi jetkilikti zerttelmegen, al sarbazdardy qorqytý men bopsalaý arqyly egýge májbúrlegen» dep málimdeıdi, dep habarlaıdy QazAqparat.

Stopfake.kz saıtynyń jazýynsha, Tereza Long COVID-19 qarsy vaktsınalar týraly jalǵan habarlamalarymen tanymal. Mysaly, ol jelide vırýsqa aınalǵan feık-málimettiń avtory. Onyń aıtýynsha, mRNQ preparattarynda antıfrız bar. Keıinirek bul málimdemeler joqqa shyǵaryldy.
«Qazirgi kezde taraǵan sózinde Tereza Long birneshe jańsaq pikir keltiredi. Birinshiden, ol vaktsınalar tek eki aı boıy ǵana synalǵanyn aıtady. Shyn máninde, synaqtar tórt aıǵa sozyldy jáne fazalar biriniń-sońynan biri emes, qatar ótkendikten osynshama az ýaqyt jumsaldy.
Ǵalymdar osyndaı qysqa ýaqyttyń ishinde vaktsınany qalaı ázirlep shyqqany týraly tolyǵyraq jazǵan bolatynbyz.

Ekinshiden, Tereza Long vaktsınalardyń janama áserlerin eshkim baqylamaıdy nemese teksermeıdi dep málimdeıdi. Bul – jalǵan. Ártúrli elderde ekpe saldaryn baqylaý júıeleri qurylǵan. AQSh-ta – VAERS júıesi. Onda kez kelgen adam aqparat qaldyra alady. Júıege kelip túsken barlyq habarlamalar tekserilip, tergeledi.
Úshinshiden, Longtyń sózinshe, COVID-19-ǵa qarsy jappaı vaktsınatsııa Nıýrnberg kodeksin buzady. Bul – olaı emes. Immýndaý kelisim boıynsha júzege asyrylady, bul tájirıbe emes jáne zııan keltirýden góri aýrýdan qorǵaýǵa arnalǵan. Demek, COVID-19-ǵa qarsy vaktsınatsııa kodeksti buzbaıdy. Muny mamandar men BAQ ta rastady.

Podpolkovnıktiń tórtinshi tezısi AQSh sarbazdaryn vaktsınatsııaǵa májbúrleý týraly. Shyndyǵynda, muny dáleldeıtin qujattar joq. Búgingi kúni áskerı qyzmetshiler qatarynda egilmegen adamdar bar. BBC málimetteri boıynsha, AQSh-ta sarbazdardyń tek 88% ǵana tolyqtaı vaktsınalanǵanDemek, Tereza Longtyń vaktsınalardyń zııany týraly aıtqan aqparaty ishinara negizsiz jáne jartylaı ótirik bolyp tabylady», - delingen saıtta.