Koronavırýs: Vaktsınatsııadan keıin qandaı sımptomdar bolýy múmkin
NUR-SULTAN. QazAqparat – Nur-Sultan qalaly qoǵamdyq densaýlyq saqtaý basqarmasynyń basshysy Tımýr Muratov koronavırýsqa qarsy vaktsına saldyrǵannan keıin qandaı áserler bolýy múmkindigin túsindirdi, dep habarlaıdy QazAqparat tilshisi.
«Qandaı vaktsına saldyrsaq ta, dári ektirsek te onyń adam aǵzasyna ártúrli áseri bolýy múmkin. ıAǵnı, ekpe jasatqan jer aýyrsynýy, qyzarýy múmkin. Buǵan qosa, jalpy aǵzanyń reaktsııasy bolyp, keı adamda dene qyzýy kóterilýi, álsizdik paıda bolýy yqtymal. Munyń barlyǵy adam aǵzasyna baılanysty», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, vaktsınatsııa jasatqan adamnyń qolyna jadynama beriledi. Onda ekpe saldyrǵannan keıin barlyq kórsetilimder tolyqtaı jazylǵan.
«Vaktsınatsııadan keıin 3 kún boıy ishimdik ishýge, temeki sheshýge bolmaıdy. Monshaǵa túsýge jáne sýyq tıgizýge bolmaıtyndyǵyn da patsıentterge túsindiremiz. Ózim búgin tańerteńgi saǵat 10-da vaktsına saldyrdym. Qazir jaǵdaıym jaqsy, maǵan da túsindirdi. Sonymen qatar bul protsess tsırflandyrylǵan, SMS keldi. Onda ózimdi qalaı ustaýym kerektigi jáne 21 aqpanda ekinshi komponentti alýǵa kelýim tıistigi eskertilgen», - Tımýr Muratov.
