Koronavırýs úshin shekarany jabý tıimsiz – Le Figaro
NUR-SULTAN. QazAqparat –«Koronavırýs Qytaı shekarasynan shyqqannan keıin, ony toqtatý úshin shekaralardy jabý tıimsiz», dep jazady Le Figaro.
«Bir qaraǵanda, bul qısyndy sheshim sekildi. Koronavırýs adamdarmen birge tarap jatqandyqtan, shekarany jabý onyń taralýyn shekteıtin sııaqty. 14 ǵasyrda Horvatııada oba aýrýy taralǵan kezde shekara 40 kúnge jabylǵan edi. Al sońǵy zertetýler qazirgi tańda bul sharanyń nátıjesi bomlaıtynyn kórsetti», - deıdi maqala avtory.
Mıgratsııalyq saıasat ınstıtýtynyń saraptama ortalyǵynyń dırektory Mıshel Mıttelshtadttyń aıtýynsha, jahandaný dáýirinde shekarany jabý men memleketke kirýge tyıym salýdyń tıimdiligi tómen.
«Italııa AQSh, Reseı, Japonııa men Avstralııamen birge Qytaımen saýda qatynasyn alǵashqylardyń biri bolyp úzgen edi. Degenmen, koronavırýstyń Italııaǵa jetýine bul kedergi bola almady», - dep jazylǵan maqalada.
Avtordyń aıtýynsha, shekarany jabý tek koronavırýstyń taralýyna ǵana tıimsiz bolmaıdy.
«Bul sheshim qoǵamnyń áleýmettik-ekonomıkalyq qyzmetine keri áser etedi. Sonymen qatar mundaı sheshimniń paıdasynan góri zııany basym bolady. Bul medıtsına salasyna qajetti dári-dármekterdiń jetýin tejeıdi, tipti, halyqtyń qaıdan keletinin ótirik aıtýǵa májbúrleıdi», - dep jazady avtor.
Shveıtsarı federaldy tehnologııalyq ınstıtýtynyń zertetýshisi Emanýel Massaronyń aıtýynsha, mundaı jaǵdaılarda halyqaralyq usynystarǵa mán berý kerek.
