Koronavırýs: Ushaq pen poıyzda shekteý sharalary jeńildetildi

NUR-SULTAN. QazAqparat – QR Kóliktegi bas memlekettik sanıtarııalyq dárigeri Janar Orazalına kólik obektilerindegi koronavırýs ınfektsııasynyń taralýynyń aldyn alý boıynsha shekteý sharalaryn jeńildetetin qaýlyǵa qol qoıdy, dep habarlaıdy QazAqparat tilshisi.

Jańa qujatqa sáıkes, halyqaralyq áýejaılar men temirjol vokzaldarynyń basshylary kólik quraldary men jolaýshylarǵa qyzmet kórsetý obektilerine qoıylatyn sanıtarııalyq-epıdemıologııalyq talaptardy saqtaýdy qamtamasyz etedi.

Turaqty jolaýshylar tasymaldaryn (avıatsııalyq, temir jol elektr jyljymaly quramdaryn (metropolıten)) júzege asyratyn uıymdardyń jáne halyqaralyq áýejaılar men temirjol vokzaldarynyń basshylary qyzmetkerler men jolaýshylardyń kólik quraldarynda jáne halyq kóp jınalatyn oryndarda medıtsınalyq maskalardy paıdalanýyn usynýy qajet.

Kóliktegi qoǵamdyq tamaqtandyrý obektileriniń jáne turaqty jolaýshylar tasymalyn (avıatsııalyq, temir jol elektr jyljymaly quramdary (metropolıten)) júzege asyratyn uıymdardyń jolaýshylar men júkterdi tasymaldaýǵa arnalǵan kólik quraldaryna qoıylatyn sanıtarııalyq-epıdemıologııalyq talaptardyń saqtalýyn qamtamasyz etýi tıis.