Koronavırýs: Úndistanda kóshpeli zerthana jumys isteı bastady
NUR-SULTAN. QazAqparat - Úndistandaǵy Gýdjarat shtatynyń ortalyq bóliginde ornalasqan Ahmadabad okrýginde kóshpeli zerthana jumys isteı bastady, dep habarlaıdy euronews.com.
Bir qaladan ekinshi qalaǵa aýysyp otyratyn medıkter nıet bildirgen turǵyndarǵa sol jerde koronavırýsqa test júrgizýdi usynady.
Maqsat - ulttyq densaýlyq saqtaý júıesine patsıentter legimen jumys jasaýǵa kómek kórsetýmen qatar, dárigerlerdi qorǵaý.
Jergilikti bıliktiń aıtýynsha, medıtsınalyq mekeme qyzmetkerleriniń arasynda indetke shaldyqqandar sany óte joǵary jáne ol udaıy ósip jatyr.
Aıta keter bolsaq, Úndistanda resmı tirkelgen koronavırýsty juqtyrǵandar sany 26 sáýirdegi jaǵdaı boıynsha 27 myń 890, al 882 adam qaıtys bolǵan.
