Koronavırýs: Ýhannan jetkizilgen qazaqstandyq stýdentter arnaıy korpýsta tekseriledi
«Qazirgi ýaqytta Ýhan qalasynda 98 qazaqstandyq stýdent bar. Qazaqstannyń Qytaıdaǵy elshiligi arqyly olarmen tikeleı baılanys ornatylǵan. Kúndelikti olarmen sóılesip otyr. Stýdentterde qajetti dúnıeniń barlyǵy bar. Sebebi, olar oqıtyn ýnıversıtetter medıtsınalyq quraldar, betperde syndy barlyq zattarmen qamtamasyz etip otyr. Azyq-túligi, barlyǵy jetkilikti. Qazirgi ýaqytta Premer-Mınıstr tapsyrmasymen bizde vedomstvolyq komıssııa quryldy. Jaqynda otyrys ótti. Biz qazir stýdentterdi evakýatsııalaý máselesin pysyqtap jatyrmyz. Bul másele boıynsha Qytaı tarapyna resmı nota jiberildi. Endi ushaqtyń qaı marshrýtpen baratyny, qaıda toqtaıtyny , qaıdan alyp ketetini pysyqtalý barysynda», - dedi Shahrat Nuryshev Úkimet úıinde ótken baspasóz máslıhatynda.
Sonymen birge, QR Densaýlyq saqtaý mınıstri Eljan Birtanov Ýhannan qazaqstandyq stýdentter jetkizilgen jaǵdaıda qandaı sharalar qoldanylatynyn aıtty.
«Árıne, mundaı jaǵdaıǵa arnalǵan sanıtarlyq normalarmen bekitilgen erekshe tártip bar. Osynda jaǵdaıda ushaqty arnaıy sanıtarlyq turaqqa qondyryp, sol jerde mamandar protokol boıynsha barlyq jolaýshyny tekserip, sheshim qabyldaıdy. Ýhan qalasynan kele jatqan bizdiń azamattarǵa arnaıy erekshe statsıonarlyq korpýs bólip otyrmyz. Búkil jolaýshylarǵa eki aptanyń ishinde karantın ótkizýge múmkindigimiz bar», - dedi Eljan Birtanov.
