Koronavırýs: ÝEFA match aldynda qol alysý dástúrin ótkizýge tyıym saldy
NЬON. QazAqparat – Eýropa fýtbol qaýymdastyqtary odaǵy (ÝEFA) match bastalar aldyndaǵy qol alysý dástúrli sharasyn ótkizýge tyıym saldy. Bul týraly ÝEFA baspasóz qyzmetine silteme jasap QazAqparat habarlaıdy.
Resmı málimdemege sáıkes, fýtbol oıyndary aldynda qol alysýǵa tyıym salý sheshimi Eýropada koronavırýstyń taralýyna baılanysty qabyldanǵan. Osy rette, qarsylas komanda músheleri men tóreshiler ÝEFA hattamasymen mindetti bolyp kelgen sharany ótkizbeıtin boldy.
ÝEFA bul sheshim barlyq oıyndarǵa qatysty bolatynyn jáne Dúnıejúzilik densaýlyq saqtaý uıymynyń keńesterine sáıkes keletinin atap ótti.
Eýropada koronavırýsty juqtyrýdyń eń kóp oqıǵasy Italııada tirkelgen. Italııanyń ANSA agenttigi bergen málimetterge sáıkes, elde 366 adam vırýstyń qurbany boldy. Bul rette, sońǵy táýlikte jańa tıptegi vırýstan 133 adam kóz jumǵan.
