Koronavırýs: Túrkııada jaǵdaı qıyn, el bıligi karantın talabyn taǵy da kúsheıtti

NUR-SULTAN. QaAqparat - Túrkııa koronavırýs ınfektsııasynan bolatyn ólimdi azaıta almaı otyr. Bir kúnde Covid-19-dyń asqynyp ketýinen 290 adam qaıtys boldy. Bul cońǵy tórt aıda oryn alǵan rekordtyq kórsetkish, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

30 sáýirde 394 ólim jaǵdaıy tirkeldi. Ótken kúnderi koronavırýsty juqtyrýdyń taǵy 23 946 jańa jaǵdaıy anyqtaldy. Sondyqtan el bıligi karantın sharalaryn qatańdatý týraly málimdedi – vaktsınatsııalanbaǵan barlyq azamattar kınoteatrlarǵa, tamaqtaný oryndaryna jáne basqa da qoǵamdyq oryndarǵa barǵan kezde mindetti túrde koronavırýsqa test tapsyratyn bolady.

Ońtústik Koreıa eń iri amerıkalyq farmatsevtıka kontserninen koronavırýsqa qarsy vaktsınanyń 1 mıllıonnan astam dozasyn aldy. Moderna preparatynyń 1,02 mln dozasy, Rýmynııadan satyp alynǵan Pfizer vaktsınasynyń 526,5 myń dozasy búgin Seýlge jetkizildi. Aptanyń sońyna deıin el taǵy 4,98 mıllıon doza vaktsına alýy kerek. Qazirgi ýaqytta Ońtústik Koreıa úkimeti Covid-19 vaktsınalarynyń 193,4 mıllıon dozasyn, sonyń ishinde AstraZeneca, Moderna, Janssen jáne Novavax vaktsınalaryn jetkizýge kelisim jasady.