Koronavırýs: Túrkııada komendanttyq saǵat qysqaryp, Izraıl barlyq shekteýdi alyp tastady

NUR-SULTAN. QazAqparat –Túrkııa men Izraılde karantındik shekteý sharalary jeńildedi. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK jumysy týraly telegram kanalǵa silteme jasap habarlaıdy.

Túrkııada karantındik sharalar jeńildetildi. El Prezıdent Rejep Taıyp Erdoǵan 1 maýsymnan bastap eldegi komendanttyq saǵattyń qysqarǵanyn jarııalady. Dámhanalar men meıramhanalar kelýshilerdi búginnen bastap qabyldaıdy.

Memleket basshysynyń aıtýynsha, komendanttyq saǵat jumys jáne senbi kúnderi saǵat 22:00-den 05:00-ge deıin, jeksenbide táýlik boıy kúshinde bolady.
Frantsııada KVI qarsy vaktsınatsııalaý sharalaryna qatysty engizilgen qosymsha shekteýler alynyp tastaldy.
Dúısenbiden bastap Frantsııanyń kez-kelgen eresek turǵyny qosymsha shekteýsiz ekpe alýǵa jazyla alady.
Resmı túrde Frantsııada kez-kelgen dárihanada ekpe saldyrýǵa bolady.
Shilde aıyna qaraı Eýropalyq odaqta oǵan múshe elder arasynda saıahattaý úshin «jasyl tólqujat» engizilýi kerek. Osy rette kóptegen adamdar demalys aldynda vaktsına saldyrýǵa asyǵýda.
Izraılde 1 maýsymnan bastap koronavırýstyq pandemııaǵa baılanysty buryn engizilgen barlyq shekteýler alynyp tastaldy. Tek jabyq jerlerdegi qoǵamdyq oryndarda betperde kııý talaby men elge kirýshilerge karantın kezinde qoıylatyn talaptardyń kúshi joıylǵan joq. Sonymen qatar, jınalystarǵa qatysýshylardyń sanyna qatysty barlyq shekteýler alynyp tastalady. Munymen qosa, ızraıldikterge budan bylaı bir jerge kirý úshin vaktsınatsııa týraly nemese COVID-19-dan saýyǵý týraly qujatty usyný qajet emes.
Izraıl birqatar elderge, onyń ishinde qazirgi ýaqytta epıdemıologııalyq qaýip-qater boıynsha «qyzyl aımaqtaǵy» Reseı azamattarynyń el aýmaǵyna kirýine shekteýlerdi alǵan joq. Izraılge kelgender memleket aýmaǵyna kirý kezinde koronavırýsqa test tapsyrýy, ushýdan 72 saǵat buryn jasalǵan taǵy bir testtiń nátıjelerin usynýy kerek.