Koronavırýs: Túrkistan oblysynda vaktsınany eń aldymen kimder alatyny belgili boldy
TÚRKІSTAN. QazAqparat - Túrkistan oblysynda koronavırýsqa qarsy vaktsınany eń aldymen óńirdiń bas sanıtar dárigeri men qoǵamdyq densaýlyq basqarmasynyń basshysy saldyratyn boldy.
Sala basshylary mundaı qadamǵa el turǵyndarynyń vaktsınaǵa degen senimin arttyrý úshin baratynyn jetkizdi, dep habarlaıdy QazAqparat tilshisi.
Oblystyń bas dárigeri Marat Pashımovtyń aıtýynsha, aımaqta koronavırýs ınfektsııasyn juqtyrǵan naýqastardyń sany kún sanap artyp keledi. Jyl basynan beri óńirde 335 adamnan qaýipti indettiń belgileri anyqtalǵan. Ásirese Sozaq pen Saıram jáne Maqtaaral aýdandarynda indetke shaldyǵý jıiledi. Sondyqtan aımaqta vaktsına salý sharasyna jumys osy bastan júrgizilip jatyr.
«Vaktsınany aldymen qaýipti aımaqta jumys isteıtin medıtsına qyzmetkerleri saldyrady. Olar negizinen ınfektsııalyq gosıtalda jumys isteıtin qyzmetkerler. Keıin jedel járdem qyzmetkerlerine salynady. Úshinshi, sanıtarlyq-epıdemııalyq qadaǵalaý mamandary saldyrady dep josparlanýda. Tórtinshi, quqyq qorǵaý organdarynyń mamandary. Ary qaraı bizde «D» esepte turǵan adamdar vaktsına alady»,- dedi Marat Pashımov.
