Koronavırýs: Túrkistan oblysynda qazaqstandyq vaktsına salyna bastaıdy
TÚRKІSTAN. QazAqparat - Túrkistan oblysynda 15 aqpannan bastap Qazaqstanda shyǵarylǵan «QazCovid-In» ekpesi kezeń-kezeńmen egiledi, dep habarlaıdy QazAqparat.
Vaktsınatsııa naýqanynyń kelesi kezeńinde otandyq ekpeni qoldaný josparlanyp otyr. Qazaqstandyq vaktsına klınıkalyq synaqtyń úshinshi kezeńinen ótip jatyr.
Túrkistan oblysynda 800-den astam medıtsına qyzmetkeri COVID-19-ǵa qarsy ekpe saldyrdy.
Óńirde koronavırýs indetine qarsy ekpe salý jumystary 20 emhanada júrgizilip jatyr.
Vaktsınalarǵa arnalǵan arnaıy muzdatqysh kameralary jetkilikti. Búginde Covid-19 qarsy vaktsına egilgen azamattardyń densaýlyǵy jaqsy.
Ekpeden keıin aýrýhanaǵa túsken jaǵdaılar tirkelmegen.
Koronavırýs vaktsınasyn eki kezeńmen 21 kún aralyǵynda jasaý mindetti.
Oǵan sebep, birinshi doza antıdenelerdiń az mólsherin óndirýge baılanysty qysqa merzimdi qorǵanys áserin beredi.
Ekinshi doza birinshiniń áserin kúsheıtedi jáne adam aǵzasyndaǵy antıdenelerdiń mólsheri artady.
«Sputnik V» vaktsınasyn 18 jasqa deıingi balalarǵa jasaýǵa bolmaıdy, ony Qazaqstan Respýblıkasynyń 60 jasqa deıingi eresek azamattary saldyra alady.
Qazaqstanda vaktsınatsııa erikti. Elimizde egýden bas tartqany úshin ákimshilik nemese qylmystyq jaýapkershilik joq.
Vaktsına saldyratyn kezde azamattar tolyq dárigerlik tekserýden ótedi jáne kelesi úsh kún boıy dárigerdiń baqylaýynda bolady.
