Koronavırýs: Túrkistan oblysynda 400-den astam pedagog, 200-ge jýyq polıtseı egildi
TÚRKІSTAN. QazAqparat - Túrkistan oblysynda muǵalimder men polıtsııa ókilderi koronavırýs ınfektsııasyna qarsy vaktsına ala bastady. Ol úshin aımaqqa «Spýtnık V» vaktsınasynyń 10 myńǵa jýyq dozasy jetkizildi, dep habarlaıdy QazAqparat.
Oblys ákiminiń baspasóz qyzmetinen málim etkendeı, erikti túrde ekpe jasatýdy qalaǵan ustazdar men polıtsııa qyzmetkerlerin aldymen dárigerler tekseredi. Vaktsınatsııa aldynda olar syrqattardan din aman bolýy kerek. Sońǵy málimetke sáıkes, Túrkistan oblysynda 435 pedagog pen 163 polıtsııa qyzmetkeri vaktsına saldyrdy.
Eske salaıyq, elde koronavırýsqa qarsy egý naýqany 1 aqpanda bastaldy. Birinshi kezekte vaktsınatsııa medıtsına mamandaryna júrgizildi.
Búgingi tańda Túrkistan oblysynda 6 myńnan astam adam koronavırýsqa qarsy egildi. Naýryz aıynyń ortasynda oblysqa taǵy 8600 myń doza preparat jetkiziledi dep kútilýde. Vaktsınatsııa erikti túrde júrgiziledi jáne ony 18-60 jas aralyǵyndaǵy azamattar saldyra alady.
Birinshi kezekte ekpeni dárigerler, pedagogtar, polıtsııa qyzmetkerleri sala alady. Esterińizge sala keteıik, óńirde KVI-ǵa qarsy vaktsınatsııa jyl sońyna deıin jalǵasady. Bul halyqtyń 45-50% qamtıdy. Sońǵy táýlikte Túrkistan oblysynda koronavırýs ınfektsııasynyń 3 jaǵdaıy tirkeldi.
