Koronavırýs: Túrkistan oblysynda 137 myńnan asa adam vaktsına saldyrdy

TÚRKІSTAN. QazAqparat - Túrkistan oblysynda qaterli indetke qarsy 137 myńnan asa adam COVID-19 indetine qarsy ekpe saldyrǵan. Sońǵy táýlikte 6680 adam vaktsına qabyldaǵan, dep habarlaıdy QazAqparat tilshisi.

Oblystyq qoǵamdyq densaýlyq basqarmasynyń málimetinshe, ekpe qabyldaǵandardyń ishinde 21 414 - medıtsına qyzmetkerleri.

Qalǵany - 38 508 pedagog pen quqyq qorǵaý organdarynyń 6139 qyzmetkeri.

Budan bólek ózge toptaǵy 47 238 turǵyn bar.

Oblysta 22 aqpannan bastap ekinshi komponentpen (revaktsınatsııa) 28 315 adam egilgen.

Aıta keteıik, Túrkistan oblysynyń 934 turǵyny otandyq QazVac-ty saldyrǵan.

Endi óńir turǵyndary Spýtnık-V, QazVac men Hayat Vax vaktsınalaryn qabyldaı alady.

Jańadan jetkizilgen Hayat Vax vaktsınasy - qytaılyq tehnologııamen óndirilgen arab vaktsınasy.

Al, epıd ahýalǵa qatysty sońǵy táýlikte aımaqta 34 adamnan COVID-19 indeti anyqtalǵan.

Táýliktik ósim - 0,61%. Jalpy oblysta pandemııa beleń alaǵaly 679 899 PTR-synamalary alynǵan.

Al, sońǵy táýlikte zerthanalarda 3766 adam tekserildi. Juqpaly aýrýlar aýrýhanasynda barlyǵy 1200 oryn bar bolsa, onyń jartysynan astamy naýqastarǵa tolǵan.