Koronavırýs týraly jalǵan aqparat taratqan Balqash qalasynyń turǵyny ustaldy
QARAǴANDY. QazAqparat – Balqash qalasynyń 50 jastaǵy turǵyny shahardaǵy stýdenttik kolledjdiń jataqhanasyna koronavırýs juqtyrǵan naýqastardy ornalastyrdy degen jalǵan aqparatty jeli arqyly taratqany úshin aıyptalýda, dep habarlaıdy QazAqparat.
12 naýryzda «WhatsApp» messendjerin monıtorıngten ótkizý kezinde polıtsııa qyzmetkerleri Balqash qalasynyń medıtsınalyq kolledjiniń stýdentterin jataqhanadan májbúrlep shyǵarý jáne onda koronavırýs juqtyrǵan úsh júz adamdy qonystandyrýǵa daıyndaý týraly kórineý jalǵan aqparat berý faktisin anyqtady.
«Atalǵan fakti boıynsha QK-niń 274-babynyń 2-bóligi boıynsha sotqa deıingi tergeý bastaldy. Júrgizilgen is-sharalardyń nátıjesinde polıtsııa qyzmetkerleri atalǵan qylmysty jasady degen kúdikpen Balqash qalasynyń 50 jastaǵy turǵynyn anyqtady», - dep habarlady Qaraǵandy oblysy PD baspasóz qyzmeti.
Sonymen qatar, Qaraǵandy oblysynyń polıtsııa departamenti aımaq turǵyndaryn áleýmettik jelilerde paıda bolǵan jalǵan habarlamalar men oı-pikirlerge senbeýge shaqyrady. Tártip saqshylary quzyretti memlekettik organdardyń resmı málimetterine ǵana negizdelý kerektigin málimdeıdi.
Esterińizge sala keteıik, osyndaı qylmystardy jasaǵany úshin 7 jylǵa deıin bas bostandyǵynan aıyrý jazasy qarastyrylǵan.
