Koronavırýs týraly suraqtardy mobıldi qosymsha arqyly joldaýǵa bolady
Densaýlyq saqtaý mınıstri Eljan Birtanovtyń qazaqstandyqtar koronavırýsty juqtyrǵany rastalǵan jaǵdaılary týraly málimdemesinen keıin halyq arasynda alańdaýshylyq aıtarlyqtaı ósti. Buryn Áleýmettik medıtsınalyq saqtandyrý qorynyń Biryńǵaı baılanys ortalyǵyna kúnine shamamen 1500-2000 qońyraý kelip túsetin bolsa, al qazir olardyń sany 3 ese artty - kúnine 6 myńǵa deıin.
Osyndaı mańyzdy kezeńde aǵzańyzdy múmkin bolyp qalatyn juqtyrýdan saqtaný jáne aldyn-alý úshin barlyq sharalardy qabyldaý qajet. 1406 baılanys ortalyǵynyń operatorlary halyqqa densaýlyǵyn nyǵaıtý jáne óziniń aǵzasyn qorǵaý, kúdikti sımptomdar baıqalǵanda áreketter jasaý boıynsha keńes berý daındyǵynan ótti.
«Baılanys ortalyǵy qajetti aldyn-alý sharalary jáne vırýstan qorǵaný boıynsha keńes berý úshin jumys isteıdi. Operatorlar sonymen birge syrqattalyp qalǵan kezde qaıda barý kerektigin, qandaı sımptomdarǵa nazar aýdarý kerektigin, qaıda taldaýlardy (analızderdi) tapsyrýǵa bolatyndyǵyn túsindiredi. Úkimet pen ýákiletti organdar qabyldap jatqan sharalar halyqty qorǵaýǵa baǵyttalǵan. Alaıda, qoǵamdyq oryndarǵa barý densaýlyqqa qaýip tóndiredi ekenin sanaly azamattar túsinýi kerek», – deıdi Áleýmettik medıtsınalyq saqtandyrý qorynyń baspasóz qyzmeti.
Esterińizge sala keteıik, óz suraqtaryńyzdy 1406 operatorlaryna Qoldau 24/7 mobıldi qosymshasy arqyly da joldaýyńyzǵa bolady. Joldanymǵa tirkeý nómiri beriledi, sodan keıin siz ózińizdiń jeke kabınetińizde onyń mártebesin teksere alasyz.