Koronavırýs týraly feık aqparattar: Densaýlyq mınıstrligi shaǵym túsirmek
«Densaýlyq saqtaý mınıstrligi koronavırýs ınfektsııasyna qatysty jalǵan aqparat taratýshylarǵa qarsy búgin Іshki ister mınıstrligine shaǵym joldanady. Qazirgi tańda Qazaqstanda koronavırýs ınfektsııasy Qazaqstanda tirkelmegenin taǵy da málimdeımin», - dedi Eljan Birtanov Úkimettiń baspasóz ortalyǵynda ótken brıfıng barysynda.
Mınıstr koronavırýs ınfektsııasyn aldyn alý úshin qol men betti qaıta-qaıta jýyp, saqtyq sharalaryn qabyldaý kerektigin aıtady. Sonymen qatar, qyzýy kóterilip turǵan adamdarmen de baılanysta bolmaýǵa tyrysý kerek ekenin eskertti.
«Koronavırýs ýshyǵyp turǵan elderge saıahattaýdy qoıa turǵan abzal. Qazirgi tańda aýrý taraǵan elderdiń bári de koronavırýsqa qarsy vaktsına áli ázirlenbegenin habarlap jatyr. Sondyqtan barlyq eldegi emdelý ádisterin baqyladyq. Qupııa eshteńe joq. Internette Dúnıejúzilik densaýlyq saqtaý uıymynyń taratqan aqparatyn kórseńiz bolady: negizinen ártúrli vırýsqa qarsy taktıka. Qabyldanýy tıis dári-dármektiń ishinde VICh-ınfektsııasyna qarsy preparattar da bar. Olar Qazaqstanda jetkilikti. Preparattar jaǵynan Qazaqstanda eshqandaı problema joq», - dedi ol.
Aıta ketsek koronavırýsqa qatysty jalǵan aqparattyń taralýyna – Úkimet basshysynyń orynbasary Eraly Toǵjanov ta alańdaýshylyq bildirgen edi. Sondaı-aq ol Úkimettiń koronavırýsqa qatysty jaǵdaıdy baqylaýynda ustap, tıisti sharalardy qabyldap jatqanyn aıtyp berdi.