Koronavırýs týraly baıbalam salmaǵan jón - Vox
NUR-SULTAN. QazAqparat Adamdardyń koronavırýstan qorqyp jatqanyn túsinýge bolady. Biraq baıbalamǵa erik bermegen jón, dep jazady QazAqparat Vox basylymyna silteme jasap.
«Vırýs týraly kóp nárse bilmeımiz. Sońǵy aptada koronavırýs juqtyrǵandar sany 24 myńnan asty. Qytaıdan tys jerlerde de anyqtalyp jatyr. Jańalyqtar legi halyqtyń úreıin týdyryp jatqany túsinikti. Biraq koronavırýs týraly alańdaýdyń qajeti joq. Al tumaý- alańdaýǵa turatyn vırýs», dep jazady basylym.
Washington Post gazeti de koronavırýsqa qaraǵanda tumaýdyń qaýiptirek ekenin jazyp, mamandar pikirin jarııalady. Al Aq úıdiń densaýlyq saqtaý salasy boıynsha burynǵy keńesshisi amerıkalyqtardan baıbalam salýdy toqtatýdy surady. Epıdemıologtar da koronavırýsqa qaraǵanda tumaýdan qaıtys bolatyndar da kóp ekenin aıtqan.
«Baıbalam salý durys emes. Bul adamnyń salqynqandy sheshim qabyldaýyna keri áser etedi. Tipti, durys emes áreketterge barýǵa ıtermeleýi múmkin», dep jazady basylym.
Avtordyń aıtýynsha, densaýlyq saqtaý salasynda koronavırýstan da mańyzdy problemalar barshylyq.
Mamandardyń aıtýynsha, koronavırýsqa baılanysty alańdaýǵa esh sebep joq. Al halyqtyń baıbalam salyp, úreılenýine aqparattandyrýdyń durys bolmaýy áser etip jatyr. Tipti, koronavırýstan góri qyzylsha aýrýynyń da qaýiptirek ekeni belgili. Al kópshiligi balalaryna vaktsına salýdan bas tartyp jatyr.
«Jańa ınfektsııalyq aýrýlar qorqynyshty. Al vırýs týraly jazylatyn dálelsiz aqparattar odan da qorqynyshty», dep jazady avtor.
