Koronavırýs: Tokıoda tótenshe jaǵdaı rejımi engizildi

NUR-CULTAN. QazAqparat - Japonııa Mınıstrler kabıneti 22 tamyzǵa deıin Tokıoda tótenshe jaǵdaı rejımin engizý týraly sheshim qabyldady. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.

Búgin Tokıoda ınfektsııanyń 920 jaǵdaıy anyqtaldy, bul bir apta burynǵy kórsetkishpen salystyrǵanda 206-ǵa artty.

Indonezııa bıligi koronavırýs saldarynan oryn alǵan kóz jumý jaǵdaılaryna baılanysty shekteý sharalaryn kúsheıtti. Jańa shekteýler, atap aıtqanda, qyzmetkerlerdi qashyqtan jumys rejımine májbúrlep aýystyrýdy, meıramhanalar men dúkenderdiń jumys ýaqytyn shekteýdi qamtıdy. Sharalar eldiń búkil aýmaǵynda áreket etedi.
Birqatar elderde koronavırýs indetine shaldyqqandardyń táýliktik ósýi boıynsha antırekordtar tirkeldi:Indonezııada 34 379 jaǵdaı, Kýveıtte 1 993 derek. Sonymen qatar koronavırýstan kóz jumǵandar sany eń joǵary kórsetkish Bangladeshte oryn aldy: 201 derek.