Koronavırýs: Tokıoda qaýip deńgeıi eń joǵary belgige kóterdi
TOKIO. QazAqparat – Sársenbi kúni Tokıo koronavırýsqa baılanysty qaýip deńgeıin eń joǵary belgige kóterdi, dep habarlaıdy QazAqparat Kyodo-ǵa silteme jasap.
Tokıo bıligi qalada 165 adam koronavırýs juqtyrǵannan keıin turǵyndardy barynsha abaı bolýǵa shaqyryp jatyr. Tokıoda jetinshi kún qatarynan koronavırýs juqtyrýdyń jańa jaǵdaılary tirkelip jatyr. Aıta keteıik, 25 mamyr kúni elde tótenshe jaǵdaı toqtatylǵannan keıin Tokıoda aýrýka shaldyǵý sany ósip jatyr.
Japonııa astanasy tórt kún qatarynan 200-den astamnyń COVID-19 juqtyrǵanyn tirkedi. Medıtsına sarapshylary 8 354 adam indetke shaldyqqannan keıin qaýip deńgeıin eń joǵary tórtinshi deńgeıge deıin kóterýdi usyndy.
Alaıda, eldiń Aýrýdy baqylaý jáne aldyn alý ortalyǵynyń ókili bul jaǵdaı koronavırýstyń «ekinshi tolqyny» emes dep esepteıdi. Sebebi, naýryz men sáýir aılarymen salystyrǵanda elde aýyr halde jatqandar sany áldeqaıda az.
