Koronavırýs: Tobyl qalasyndaǵy aýrýhana jabylǵany týraly jalǵan aqparat tarady
QOSTANAI. QazAqparat – Oblystyq densaýlyq saqtaý basqarmasynyń baspasóz qyzmeti Tobyl qalasyndaǵy aýrýhananyń jabylýy týraly aqparatty teriske shyǵardy, dep habarlaıdy QazAqparat.
Áleýmettik jelilerde Tobyl qalasyndaǵy (burynǵy Zatobol – avtor) ortalyq aýrýhananyń koronavırýsqa baılanysty ýaqytsha jabylǵany týraly beınejazba taraǵan. Alaıda resmı organ muny joqqa shyǵardy.
«Bizdiń oblysta koronavırýs jaǵdaıy tirkelgen joq. Ortalyq aýrýhana josparly túrde jumys istep tur. Jalǵan aqparat taratqandar QR QK 274-baby boıynsha jaýap beredi» delingen oblystyq densaýlyq saqtaý basqarmasynyń baspasóz qyzmeti taratqan aqparatta.
Qazirgi ýaqytta áleýmettik jelide jarııalanǵan vıdeo boıynsha oblystyq polıtsııa departamenti zertteý jumysyn júrgizip jatyr.
Tekserý nátıjesinde bul Qostanaı óńiriniń aýrýhanasy emes ekeni anyqtaldy. Tobyl qalasy ortalyq aýrýhanasynyń bas dárigeri Syrlybek Meşanov jalǵan aqparat taratqandardy anyqtaý úshin polıtsııaǵa júgindi.
