Koronavırýs: Teńiz kenishindegi statsıonarǵa taǵy 15 medıtsına qyzmetkeri barady

ATYRAÝ. QazAqparat – Atyraý oblysyndaǵy Teńiz kenishindegi statsıonarǵa taǵy 15 medıtsına qyzmetkeri barady, dep habarlaıdy QazAqparat.

Bul týraly oblystyq densaýlyq saqtaý basqarmasynyń bólim basshysy Nına Ospanova málim etti.

«Teńizshevroıldan» ınfektsııalyq statsıonardyń tórtinshi blogynyń​ ashylatyny týraly hat keldi. Qazir Teńiz ken ornyndaǵy ınfektsııalyq statsıonardyń úsh blogy jumys istep tur. Ótken aptada bul statsıonarǵa 8 medıtsına mamany jiberildi. Endi taǵy 15 medıtsına qyzmetkerin jiberý josparlanyp otyr. Onyń ishinde 1 dáriger, 7 meıirbıke, 7 kishi býyn qyzmetkeri bar. Búgingi kúni ken ornyndaǵy ınfektsııalyq statsıonarda 23 medıtsına mamany qyzmet kórsetýde» deıdi Nına Ospanova.

Eske sala ketelik, buǵan deıin Teńiz kenishinde bir táýlikte 42 jumysshy indet juqtyrǵanyn habarlaǵan bolatynbyz.