Koronavırýs: Teńiz kenishindegi statsıonarda 86 naýqas emdelip jatyr
ATYRAÝ. QazAqparat – Atyraý oblysynyń Teńiz kenishindegi ınfektsııalyq statsıonarda koronavırýs juqtyrǵan 86 naýqas emdelip jatyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte Atyraýda koronavırýs ınfektsııasyn 25 adamnyń juqtyrǵany anyqtalǵan.
«Qaýipti indetke shaldyqqan naýqastardyń 8-i Atyraý qalasynda tirkelgen. Sondaı-aq, Teńiz kenishinde 16 jumysshynyń, Inder aýdanynda bir adamnyń Sovid-19 ınfektsııasyn juqtyrǵany rastaldy. Naýqastardyń beseýinde koronavırýs belgisi sımptomdy túrde ótip jatyr» -dep habarlady basqarmanyń baspasóz qyzmeti.
Ótken táýlikte úı jaǵdaıynda em alǵan 4 adam koronavırýs ınfektsııasynan jazylyp shyqqan. Qazir 120 adam úı jaǵdaıynda emdelýde. Al, oblystyq ınfektsııalyq statsıonarda 34 naýqas, aýdandardaǵy ınfektsııalyq statsıonarlarda 7, Teńiz kenishiniń ınfektsııalyq statsıonarynda 86 adam em qabyldap jatyr.
Eske sala ketelik, budan buryn Atyraýda eki salynǵan modýldi ınfektsııalyq aýrýhana ashylǵan bolatyn.
