Koronavırýs: Teńiz kenishindegi statsıonarda 321 adam em qabyldaýda
ATYRAÝ. QazAqparat – Atyraý oblysynda koronavırýs ınfektsııasynan bir táýlikte 112 naýqas saýyǵyp, 74 adam indet juqtyrdy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte koronavırýs ınfektsııasynan 112 naýqas emdelip shyqqan.
«Qazir 249 adam úı jaǵdaıynda emdelýde. Oblystyq ınfektsııalyq statsıonarda – 78, al, aýdandardaǵy statsıonarlarda 13 patsıent jatyr. Al, Teńiz kenishindegi ınfektsııalyq statsıonarda 321 adam em qabyldaýda» -dep habarlady basqarmanyń baspasóz qyzmetinen.
Sondaı-aq, ótken táýlikte Atyraý oblysynda 74 adamnan koronavırýs ınfektsııasynyń belgisi anyqtalǵan. Naýqastardyń beseýi Atyraý qalasynan tirkelgen. Teńiz kenishindegi 65 jumysshydan, Inderde aýdanynda 1, Qurmanǵazy aýdanynda 3 adamnan Sovid-19 belgisi tabylǵan. Segiz naýqasta qaýipti indet sımptomdy túrde ótip jatyr.
Búgin óńirdegi 1225 oryndyq ınfektsııalyq statsıonardyń 412 tósek-ornynda naýqas em alyp jatyr.
Eske sala ketelik, buǵan deıin «qyzyl» aımaqtaǵy Atyraýda indet juqtyrǵandar sany artqanyn, o syǵan oraı karantındik shekteý sharalary qaıta kúsheıtilgenin
habarlaǵan edik.
