Koronavırýs: Teńiz kenishindegi statsıonarda 200 naýqas emdelip jatyr
ATYRAÝ. QazAqparat – Atyraý oblysynda ornalasqan Teńiz kenishindegi ınfektsııalyq statsıonarda koronavırýs ınfektsııasyn juqtyrǵan 200 naýqas emdelip jatyr, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 28 adamnan koronavırýs ınfektsııasy anyqtalǵan. Onyń ishinde Atyraý qalasynyń 8 turǵyny men Teńiz kenishindegi 17 jumysshy bar. Sondaı-aq, Qurmanǵazy aýdanynda turatyn 3 adamnan da qaýipti indettiń belgisi tabylǵan.
«Atyraý oblysynda ótken táýlikte koronavırýs ınfektsııasynan 48 naýqas emdelip shyqty. Qazir 136 adam úı jaǵdaıynda, oblystyq ınfektsııalyq statsıonarda 48 , Inder, Qyzylqoǵa, Qurmanǵazy aýdandaryndaǵy statsıonarda 8 patsıent emdelýde. Al, Teńiz kenishindegi ınfektsııalyq statsıonarda 200 naýqas em qabyldap jatyr» - dep habarlady basqarmanyń baspasóz qyzmeti.
Eske sala ketsek, budan buryn Teńiz kenishinde bir táýlikte 42 jumysshy indet juqtyrǵanyn habarlaǵan bolatynbyz.
