Koronavırýs: Teńiz kenishinde statsıonardaǵy naýqastar sany 400-ge jetti
Atyraý oblystyq densaýlyq saqtaý basqarmasy baspasóz qyzmetiniń taratqan málimetine qaraǵanda, ótken táýlikte 59 adamnan koronavırýs ınfektsııasy PTR arqyly rastalǵan. Naýqastardyń arasynda Atyraý qalasynan 12 adam bar. Buǵan qosa Jylyoı aýdanynda – 4, Qyzylqoǵada – 3, Inderde – 4, Qurmanǵazy aýdanynda 5 adamnyń qaýipti indetke shaldyqqany belgili boldy. Al, Teńiz kenishinde 31 jumysshy koronavırýs juqtyrǵan. Onyń ishinde 19 naýqasta qaýipti indettiń sımptomdy túri anyqtalǵan.
«Qazir 220 adam úı jaǵdaıynda emdelip jatyr. Oblystyq ınfektsııalyq statsıonarda 102
naýqas, al, aýdandardaǵy statsıonarlarda 18, Teńiz kenishindegi statsıonarda 400 patsıent
em qabyldaýda. Ótken táýlikte 83 adam koronavırýs ınfektsııasynan emdelip shyqty», -
dep habarlady basqarmanyń baspasóz qyzmetinen.
Eske sala ketelik, buǵan deıin Atyraý oblysynda 764 naýqas emdelip jatqanyn jazǵan
bolatynbyz.