Koronavırýs: Teńiz kenishinde 86 jumysshydan qaýipti vırýs anyqtaldy
Oblystyq densaýlyq saqtaý basqarmasy baspasóz qyzmetiniń aqparatyna súıensek, ótken táýlikte 124 adamnan koronavırýs ınfektsııasy PTR-test arqyly rastalǵan.
«Qaýipti dertke shaldyqqan naýqastardyń 29-y Atyraý qalasynan anyqtalyp otyr. Teńiz kenishinde medıtsınalyq tekseris kezinde 86 jumysshydan, Jylyoı aýdanynda 3, Qyzylqoǵada – 2, Maqatta – 2, Qurmanǵazy aýdanynda 2 adamnan Sovid-19 ınfektsııasy tabyldy. Koronavırýstyń sımptomdy túri 16 naýqasta bary belgili boldy», - dep habarlady basqarmanyń baspasóz qyzmeti.
Ótken táýlikte 103 adam koronavırýstan emdelip shyqqan. Úı jaǵdaıynda 286 adam emdelýde. Oblystyq ınfektsııalyq statsıonarda 117, al aýdandardaǵy statsıonarlarda 31, Teńiz kenishiniń ınfektsııalyq statsıonarynda 574 adam em-dom qabyldap jatyr.
Eske sala ketelik, buǵan deıin Atyraý oblysynda 133 adam koronavırýs juqtyrǵan edi.
