Koronavırýs: Tbılısıde jerasty ótkelderine dezınfektsııa jasalyp jatyr
TBILISI. NOVOSTI-GRÝZIıA - QazAqparat – Tbılısıde túnde 54 jerasty ótkeline «Tbılservıs grýpp» kompanııasy dezınfektsııa jumystaryn júrgizdi. Bul týraly qala merııasy jarııalady, dep habarlaıdy QazAqparat Novostı-Grýzııa-ǵa silteme jasap.
Dezınfektsııany astana meriniń tapsyrmasy boıynsha koronavırýstyń aldyn alý maqsatynda júrgizdi. Oǵan antıseptıkalyq eritindiler qoldanyldy.
«Tbılservıs grýpp» kompanııasynyń basshysy Romeo Mıkaýtadzeniń málimdeýinshe, jerasty ótkelderine qajet bolǵan jaǵdaıda taıaý kúnderi taǵy dezınfektsııa júrgizilmek.
Keshe Tbılısıde qoǵamdyq kólikterde, mektepter men balabaqshalarda jappaı dezınfektsııa bastaldy. Mektepterdi dezınfektsııalaý úshin 10 túrli qural qoldanyldy.
Vedomstvoaralyq úılestirý keńesiniń sheshimi boıynsha, Grýzııanyń memlekettik mektepterinde 2-16 naýryzda kóktemgi demalys jarııalanyp, ol ýaqytta dezınfektsııalyq jumystar júrgiziledi.
Eske salaıyq, 2 naýryzda Grýzııada úsh adamnan koronavırýs tabyldy. Onyń ishinde eki er adam Iranda bolsa, jas kelinshek Italııadan kelgen.
Foto: tbilisi.gov.ge
