Koronavırýs taraǵan kezde qandaı qaýipsizdik sharalary qoldanylatyny aıtyldy

ASTANA. QazAqparat - Elimizde qarasha aıynyń basynan bastap koronavırýspen syrqattanýshylyqtyń ósýi baıqalady, dep habarlaıdy QazAqparat.

Vedomstvoaralyq komıssııanyń málimetinshe, táýligine KVI+ 235 jáne KVI- 40 jaǵdaıy tirkelýde.

Sońǵy aptada syrqattanýshylyq 21%-ǵa artqan (aptasyna 1 001 jaǵdaıdan 1 283-ke deıin).

«Búgingi tańda barlyq óńirler – «jasyl» aımaqta. Sonymen qatar 15 óńirde R kórsetkishi birlikten joǵary, bul - ınfektsııanyń taralýynyń ósýiniń belgisi. Bas memlekettik sanıtarlyq dárigerdiń qaýlysyna sáıkes R kórsetkishi 1-den joǵary bolsa, qoǵamdyq oryndarda betperde taǵý usynylady», - dedi densaýlyq saqtaý mınıstri Ajar Ǵınııat.

Vıtse-premer Altaı Kólginov memlekettik organdardyń basshylaryna, ákimdikterge halyqty vaktsınalaý jáne revaktsınatsııalaý jumystaryn jandandyrýdy, halyq arasynda túsindirý jumystaryn kúsheıtýdi tapsyrdy.